مجفش قلمي من حبره
ولا قلبي نسي شعره
ولا عقلي وهن امره
ولا قرب علي التوهان
كلامي مش انا اللي انساه
وحزني بأمر بيسيبني
وفرحي عارفه فين القاه
بسيب الناس ولا تسيبني
نزف قلمي غنا واشعار
كلام يوجع وكله مرار
كلام الحب والاصرار
نزيف بيزود الاشجان
و حدّي حد انا عارفاه
ندا قلمي انا سامعاه
و سكه حبره محفوظه
مهيش هرابه مهزوزه
وصوري حب فيها خيال
معدي خيال بني الانسان
معلش سامحوني بمدح نفسي
عدنا =)
يا ريس يا ريس
يا ساكن بلادنا
يا واكل معانا
وعازم عدانا
علي دم مصر.!
ساكن في قصرك
يا نايم لعصرك
وراسم لنصرك
علي قتل مصر.!
يا راجل يا طيب
يا فرعون بلادنا
يا قاتل ولادنا
عشان حبوا مصر.!
انطق واصرخ
و قول مره لأ
ما ترحم ولادك
عاملهم بحق!!
ما تبعد كلابك
وتبعد حبايبك
دي الاسم بلدك
ونابها ال نايبك!
بحق العبور
اذا كنت فاكر
بحق السادات
بطل تعافر.!!
ماحدش ناسيلك
كرمك وخيرك
وقله ضميرك
علي اسم مصر!!
بطاله شباب
وخنقه سحاب
وعباره تغرق
وشعبك بتحرق
وتحدف بصخر!!
كفايه الدويقه
كرامه مهانه
اغلاط مصانه
و بينا بتلعب
كوره شراب.!
كفايا يا ريس
كتير العذاب!!
سيبا واهرب.!!
اه,, سيبنا واهرب.!
واحنا هنبقي صحيح مبسوطين
هغمي عنيا ومش راح اشوفك
كفايا بقالنا كتير تعبانين
واخر المتمه بتقتل ولادك.!؟
تعاقبنا ليه علي حب مصر.!!
ونايم وسادد ودانك ف قصر.؟
بتعرف تنام؟
بتحلم كويس؟
ودم ال راحوا
ف رقبتك ياريس!!
