يا قلمي يا ساكت
ليه طال السكوت
ليه مانع عليا
مدادك وحبرك
وقلبي وفكري
دافنهم فـ قبرك
ماياما كتبنا
ملامح بطوله
أكون فيها عقلك
وحبرك ده صوت .!!
ليه تبخل عليا
بكلمه أمل
ليه عاجر تعبر
وإيه العمل
وأخرس وساكت
وأحايلك ليالي
وأفكر فـ حالي
ومين بس يسمع
وقلمي خياره الوحيد
السكوت.!!
لا يوم قلت إكتب
كلام مش راضيه
ولو يوم بيتعب
بخفف عليه
يعاند ويسكت
يغمض عنيه.!!
ولا يوم ركبتك
ولا عليت عليك
مكانتك وهيبتك
عمايل ايديك
ما تسكتش صرخ
وكسر حيطان
ونور حياتي
وفتح بيبان
ده من غير مدادك
انا أسوي إيه
ومين بس يصرخ
بفكره فـ عقلي
يخلي اللي نايم
يفتح عنيه .!!
ليست هناك تعليقات:
إرسال تعليق